8.6.15

PRESENTACIÓN DE CRÁTER . OLGA NOVO

O mércores, tres de xuño,  alumnado e profesorado do IES Blanco Amor gozamos nun acto que tivo como protagonistas a Olga Novo e a súa obra Cráter.




Asistimos á presentación da autora da man dun alumno e unha alumna de 1º ESO; escoitamos o recitado de  poemas de Cráter na voz dalgunhas alumnas de segundo da ESO, elas mesmas compuxeron un para homenaxear a autora, este último foi recitado con acompañamento musical dunha alumna de 4º; as voces de dúas  profesoras do deparatamento de Lingua Galega e Literatura tamén se deixaron oír, nun recitado e para agradecerlle a Olga o feito de ternos achegado á sua obra.

Finalmente Olga tomou a palabra para explicarnos o que é para ela a poesía e para responder as preguntas que se lle formularon. 

Rematouse o acto co recitado que Olga fixo dun dos seus poemas. Déixovos o inicio e podedes lelo completo.

 
Querida mamá: estou aprendendo a ladrar.
une saison en enfer. repite comigo Une-Saison-En-Enfer.
trinta xeracións de meu analfabetas Eu estou aprendendo a ladrar.
marcar un nunca territorio coa epiglote
coma un cadelo coma un can de palleiro
escadelearme ata volver en min en can entón pronuncio
Walt Walt
Walt Whitman mamá.

estou aprendendo a ladrar.
póñome de cu pró sol agárrome a unha aixada e
tento imitar o son do cuco do cuco de cu pró sol entón
a miña gorxa esprémese de dor
e oulan coma nunca os futuros posibles que nos fan esbombar as veas
coma unha pota de leite na lareira.

os ollos do meu amor levan dentro
o troupeleo dos chocallos uncontrautro uncontrautro
da novena sinfonía de Gustav Mahler
mamá. 


E todo tiña como telón de fondo as ilustración dalgúns dos poemas recitados, son traballos levados a cabo  polos alumnos de 1º ESO B, en colaboración coa súa profesora de plástica, Pilar Sevillano. Podedes velos neste ISSUU montado pola profesora.




Vede o proceso da actividade na reportaxe preparada por Avelina

No hay comentarios:

Publicar un comentario